პოლონეთში ავტობუსი სატვირთოს შეეჯახა | არსებული ინფორმაციით, შემთხვევის შედეგად საქართველოს 3 მოქალაქე დაიღუპა
გამოქვეყნდა:
სამი ადამიანი დაიღუპა და ხუთი დაშავდა პოლონეთში, პოზნანის მახლობლად მომხდარი ავტოსაგზაო შემთხვევის შედეგად.
პოლონური მედიის ცნობით, ავტობუსი, რომელშიც 8 ადამიანი იმყოფებოდა, სატვირთო მანქანას შეეჯახა. დაშავებულები საავადმყოფოში გადაიყვანეს, მათგან ოთხის მდგომარეობა მძიმედ შეფასდა.
მეხანძრე-მაშველების თქმით, დაღუპულები, სავარაუდოდ, საქართველოს მოქალაქეები არიან.
ადგილზე სახანძრო-სამაშველო ეკიპაჟები, პოლიცია და ვერტმფრენი იყო მობილიზებული.
მთავარი არხის ვებგვერდი საგარეო საქმეთა სამინისტროს დაუკავშირდა. საგარეოში ადასტურებენ, რომ პირველადი მონაცემებით დაღუპულები საქართველოს მოქალაქეები არიან, თუმცა პოლონური მხარისგან ოფიციალურ ინფორმაციას ელოდებიან.
