"ევროპული საქართველოს" ლიდერებმა გლდანის აქტივს ერთიანი ოპოზიციის მიერ გლდანის
მაჟორიტარობის კანდიდატად დასახელებული ნიკა მელია წარუდგინეს. ამის შესახებ ინფორმაციას და ფოტომასალას პარტიის გენერალური მდივანი გიგი უგულავა "ფეისბუქის" საკუთარ გვერდზე ავრცელებს.
გლდანში "ევროპული საქართველოს" აქტივს ოპოზიციის ერთიანი კანდიდატი ნიკა მელია წარვუდგინეთ. გლდანში, პარტიულად ვხაზავთ 2-ს, მაჟორიტარში 5-ს, - წერს უგულავა.
შეგახსენებთ, რომ "ლეიბორისტული პარტიის" მაგიდის ირგვლივ გაერთიანებულმა ოპოზიციამ თბილისის ექვს მაჟორიტარულ ოლქში საერთო კანდიდატები 19 ივნისს წარადგინა. სია ასეთა:
- ვაკის რაიონში კენჭს "ევროპული საქართველოს" წევრი ელენე ხოშტარია იყრის;
- გლდანში მაჟორიტარობისთვის "ნაციონალური მოძრაობის" ერთ-ერთი ლიდერი ნიკა მელია იბრძოლებს;
- ამავე პარტიის წევრი, ლევან ხაბეიშვილი სამგორის ოლქში წარადგინეს;
- მთაწმინდის რაიონში მაჟორიტარი დეპუტატობის კანდიდატი "თავისუფალი დემოკრატების" ლიდერი შალვა შავგულიძე იქნება;
- "ლეიბორისტული პარტიის" ლიდერი შალვა ნათელაშვილი კი კენჭს ნაძალადევში იყრის;
- ისანში კი ოპოზიციის წევრებმა "ახალი საქართველოს" ლიდერი, გიორგი ვაშაძე წარადგინეს.
დიდუბე-ჩუღურეთისა და საბურთალოს ოლქებში წარსადგენკანდიდატებთან დაკავშირებით კონსულტაციები ამ დრომდე გრძელდება.
