შიში აქვთ, რომ დაიწყება შეუქცევადი პროცესი, ცდილობენ დანაშაული აიცილონ - გიული ალასანია "ვივა მედის" ექიმებზე

მიხეილ სააკაშვილის დედა, გიული ალასანია კლინიკა "ვივა მედში" გაკეთებულ განცხადებებს გამოეხმაურა. ალასანიას თქმით, კლინიკაში ფიქრობენ, რომ მიხეილ სააკაშვილის მდგომარეობა შესაძლოა მომდევნო დღეებში კიდევ უფრო დამძიმდეს და ცდილობენ, კლინიკას პასუხისმგებლობა აარიდონ.

"შიში აქვთ, რომ შეიძლება დაიწყოს შეუქცევადი პროცესი - ორგანოების გათიშვა, შეიძლება ადამიანი ჩავარდეს კომაში, არის ამის მონაცემები, ამის პროგნოზები გაკეთდა ადრე ძალიან ცნობილი ექიმებისგან. კლინიკის დანაშაული რომ აიცილონ, ცდილობენ, რომ ამ ყველაფერს რაღაც სხვა ახსნა მოუძებნონ, თუმცა იმას ამბობენ, რომ ადამიანი არის მძიმე მდგომარეობაში", - თქვა გიული ალასანიამ.

შეგახსენებთ, დღეს, 22 თებერვალს მიხეილ სააკაშვილის ჯანმრთელობის მდგომარეობასთან დაკავშირებით კლინიკა "ვივა მედის" კლინიკურმა დირექტორმა, ენდოკრინოლოგმა და მიხეილ სააკაშვილის მკურნალმა ექიმმა საგანგებო ბრიფინგი გამართეს.

ისინი ადასტურებენ, რომ მიხეილ სააკაშვილის მდგომარეობა დამძიმებულია, თუმცა პასუხისმგებლობას თავად სააკაშვილს აკისრებენ.

"ვივამედში" გაკეთებულ განცხადებებს გამოეხმაურა მიხეილ სააკაშვილიც. მისი თქმით,  ექიმების პრესკონფერენციაში სიმართლე მარტო ის იყო, რომ მისი მდგომარეობა მძიმეა, "დანარჩენი ყველაფერი იყო ტყუილი".

ნახეთ კლინიკა ვივამედში გაკეთებული განცხადებები:

• ჩვენი ექიმები შესაძლებლობების მაქსიმუმს აკეთებენ, მაგრამ მკურნალობის პროცესში არის ორი მხარე - ჩხაიძე მიხეილ სააკაშვილზე
• ზოგჯერ მასმედიით მიღებული ინფორმაცია, მკურნალობის გაგრძელებაზე უარის თქმის საფუძველი ხდება - "ვივა მედი" მიხეილ სააკაშვილზე
• 300-400 კალორიას იღებს დღეში, [აუცილებელია] მინიმუმ 1 700 - ენდოკრინოლოგი მიხეილ სააკაშვილზე
• კითხვები გვაქვს, არც ანალიზები ყოფილა ნანახი, არც სხვა კვლევის შედეგები - ჩხაიძე ომბუდსმენის კონსილიუმზე
• ნებისმიერი პატიმრის მიზანია თავისუფლების მოპოვება, ვერ დავუშვებთ ეს კლინიკის ავტორიტეტის ხარჯზე მოხდეს - ჩხაიძე
• ყველაფერი განპირობებულია ფსიქოემოციური ფონიდან, შეუგუებლობა აქვს იმ პირობებისადმი რა პირობებშიც იმყოფება - ჩხაიძე მიხეილ სააკაშვილზე