სლავიანსკში, ნანგრევებიდან გამოყვანილი ბავშვი სასწრაფოს მანქანაში გარდაიცვალა - პრეზიდენტის ადმინისტრაციის წარმომადგენელი
გამოქვეყნდა:
უკრაინის პრეზიდენტის ადმინისტრაციის წარმომადგენლის, დარია ზარივნაიას ინფორმაციით, სლოვიანსკში, კორპუსის ნანგრევებიდან გამოყვანილი ბავშვი სასწრაფო დახმარების მანქანაში, საავადმყოფოსკენ მიმავალ გზაზე გარდაიცვალა.
ინფორმაცია ოფიციალურად ჯერ არ დაუდასტურებია დონეცკის ოლქის ადმინისტრაციას.
შეგახსენებთ, რამდენიმე საათის წინ, ოკუპანტებმა S-300 რაკეტებით სლავიანსკში საცხოვრებელი უბანი დაბომბეს. განადგურებულია რამდენიმე კორპუსი.
ამ დროისათვის არსებული მონაცემებით, დაღუპულია ხუთი მშვიდობიანი მოქალაქე და დაშავებულია 17 ადამიანი. ხოლო სამს კიდევ ეძებენ. სავარაუდოდ ისინი ნანგრევებში არიან მოყოლილი.
