ფიროსმანის ქუჩაზე კაცი დაჭრეს - მანქანა გაქცევისას, სავარაუდოდ, ავტობუსს შეეჯახა
გამოქვეყნდა:
თბილისში ცეცხლსასროლი იარაღიდან კაცი დაჭრეს. შემთხვევა ფიროსმანის 6 ნომერთან მოხდა. არსებული ინფორმაციით, საცხოვრებელი სახლის წინ გამოსულ კაცს, სავარაუდოდ, მიმავალი მანქანიდან, 3-ჯერ ესროლეს.
გაქცევის დროს მანქანა, სავარაუდოდ, ავტობუსს დაეჯახა და შემდეგ შემთხვევის ადგილიდან მიიმალა.
ტერიტორია ყვითელი ლენტითაა შემოსაზღვრული, ადგილზე პოლიცია მუშაობს.
"მანქანით რომ მოვიდა, მანქანიდან ესროლეს სამი ტყვია, მერე გაქცევა რომ მოინდომა ეტყობა ავტობუსს დაეჯახა და გაიქცა. [რამდენი ტყვია მოხვდა] სავარაუდოდ, სამი, ერთი ხელში, ორი უკანა მხარეს", - ამბობს თვითმხილველი.
ავტობუსის მძღოლი "მთავარ არხთან" ამბობს, რომ ჯიპი შეეჯახა და გაიქცა, თუმცა არ იცის, იგივე მანქანიდან ისროლეს, თუ არა.
არსებული ცნობებით, დაჭრილი კლინიკაშია გადაყვანილი, მას ოპერაციას უკეთებენ.
პროტესტი გმირთა მოედანზე | "მთავარი არხის" საგანგებო ეთერი
უყურეთ ბოლო გამოშვებას
