როინ მეტრეველი საქართველოს მეცნიერებათა ეროვნული აკადემიის პრეზიდენტად აირჩიეს
გამოქვეყნდა:
საქართველოს მეცნიერებათა ეროვნული აკადემიის პრეზიდენტად როინ მეტრეველი აირჩიეს. მეტრეველი ბოლო ათი წლის მანძილზე აკადემიის ვიცე-პრეზიდენტი იყო. აკადემია მისი გამოსვლის ტექსტს ავრცელებ, სადაც აკადემიკოსი მეცნიერებათა აკადემიის მნიშვნელობაზე, სამომავლო განვითარებასა და პერსპექტივებზე საუბრობს და ერთ-ერთ მთავარ და საჭირო ნაბიჯად, ხელისუფლებასთან ურთიერთობის გაუმჯობესებას ასახელებს:
"...საჭიროა ჩვენი მცდელობა, ხელისუფლებასთან ურთიერთობის გაუმჯობესება, რომ სახელმწიფომ აქტიური მონაწილეობა მიიღოს მეცნიერების განვითარების აუცილებელი წინა პირობების შექმნაში, უზრუნველყოფილი რომ იქნას მეცნიერების სტაბილური განვითარება; საჭიროა მივაღწიოთ სამეცნიერო დაწესწებულებების რეალურ ავტონომიურობას და აკადემიურ თავისუფლებას.
შესაძლებლად გვესახება მთავრობასთან საკოორდინაციო საბჭოს შექმნა, რომლის უმთავრესი ამოცანა მეცნიერების განვითარების ხელშეწყობა იქნება..." ნათქვამია როინ მეტრეველის ვრცელ გამოსვლაში.
შეგახსენებთ, მეტრეველი 1991-2004 წლებში იყო თბილისის სახელმწიფო უნივერსიტეტის რექტორი.
