"ფორმულას" წილის ჟურნალისტებისთვის გადაფორმებაზე საჯარო რეესტრმა კეზერაშვილს უარი უთხრა
გამოქვეყნდა:
ტელეკომპანია "ფორმულას" ჟურნალისტებისთვის წილის გადაფორმებაზე საქართველოს საჯარო რეესტრმა დავით კეზერაშვილს უარი უთხრა. მიზეზი ვადაგასული ქართული პირადობის მოწმობა აღმოჩნდა.
"ფორმულას" 25%-იანი წილის "თავისუფლების ფორმულისთვის", თანამშრომლების მიერ დაფუძნებული ორგანიზაციისთვის, გადაცემაზე მოთხოვნა არხის დირექტორის სახელით, საჯარო რეესტრში 9 ივნისს შევიდა.
ამ განაცხადს თან ერთოდა შესაბამისი ნასყიდობის ხელშეკრულების ასლი. დავით კეზერაშვილის ნაცვლად, დოკუმენტებს ხელს აწერდა მისი მინდობილი პირი.
