რუხთან, გალის ცენტრალური გზის მონაკვეთზე მომხდარი ავტოსაგზაო შემთხვევის შედეგად ორი ადამიანი დაიღუპა.
დაღუპულები ერთი ოჯახის წევრები, დეიდა და დიშვილი არიან. მათი ცხედრები ექსპერტიზაზეა გადასვენებული. დაშავდა ორი ადამიანი. ერთ-ერთის მდგომარეობა მძიმეა, ის ქუთაისის კლინიკაშია გადაყვანილი.
არსებული ინფორმაციით, "ოპელის" მარკის ავტომობილი სავალი გზიდან გადავიდა და არხში ჩავარდა. ამ წუთებში ადგილზე სამაშველო სამსახური და სამართალდამცველები მუშაობენ.
ავტორი: ემა გოგოხია.
