სიღნაღში წვიმის შედეგად გზები დაზიანდა, ილიაწმინდაში სახლების პირველი სართულები დატბორა
გამოქვეყნდა:
ძლიერი წვიმის შედეგად სიღნაღის მუნიციპალიტეტში საგზაო ინფრასტრუქტურა დაზიანდა. მერიის ცნობით, ცენტრალურ და შიდა საუბნო გზებზე ჩამოტანილია ქვა-ღორღი, გადავსებულია სანიაღვრეები.
უწყება ამბობს, რომ წნორი სიღნაღის (მოკლე) გზაზე ამ დროისთვის გადაადგილება შეფერხებულია.
მოვარდნილმა წყალმა ილიაწმინდაში რამდენიმე საცხოვრებელი სახლის პირველი სართული დატბორა.
