გაფიცული მაღაროელები საპროტესტო მსვლელობით "ჯორჯიან მანგანეზის" ოფისისკენ ინაცვლებენ
გამოქვეყნდა:
გაფიცული მაღაროელები პარლამენტის შენობიდან "ჯორჯიან მანგანეზის" ცენტრალური ოფისისკენ საპროტესტო მსვლელობით ინაცვლებენ და სკანდირებენ: "ჭიათურას გაუმარჯოს!"
როგორც მაღაროელები ამბობენ, ოფისთან განცხადებასაც გააკეთებენ. მათი მთავარი მოთხოვნა, სამუშაო პირობების გაუმჯობესება და ხელფასის ზრდაა.
მსვლელობის დასრულების შემდეგ, 18:00 საათზე აქცია ისევ პარლამენტის წინ გაგრძელდება.
შეგახსენებთ, უკვე მე-15 დღეა, რაც მაღაროელები საპროტესტო აქციებს მართავენ. მე-9 დღეა მათი ნაწილი შიმშილობს. ნაწილმა კი პროტესტის უკიდურეს ფორმებს მიმართა - ერთ-ერთმა გაფიცულმა თვალები, ხოლო მეორემ პირი ამოიკერა. ჭიათურიდან თბილისში ჩამოსულმა გაფიცულებმა გუშინ პარლამენტის წინ კარვები გაშალეს და ღამე იქ გაათენეს. მოთხოვნები უცვლელია - სამუშაო პირობების გაუმჯობესება და ხელფასის გაზრდა.
