მდინარე წყალწითელამ ავტომობილებისთვის მოწყობილი დროებითი გზა დააზიანა - მოძრაობა შეზღუდულია
გამოქვეყნდა:
საავტომობილო გზების დეპარტამენტის განცხადებით, საერთაშორისო მნიშვნელობის სამტრედია-ლანჩხუთი-გრიგოლეთის საავტომობილო გზის 42-ე კმ-ზე, უხვი ნალექის გამო, ადიდებულმა მდინარე წყალწითელამ გზაზე მოძრაობა დროებით შეზღუდა.
უწყება ამბობს, რომ აღნიშნულ მონაკვეთზე მიმდინარეობდა ხიდის რეაბილიტაცია, რის გამოც ავტოტრანსპორტის გადაადგილებისთვის მოწყობილი იყო დროებითი გზა, რომელიც მდინარემ დააზიანა.
"ადიდებულმა მდინარემ დააზიანა დროებითი გზა. საავტომობილო მოძრაობის დროულად აღსადგენად, ინტენსიურ რეჟიმში მიმდინარეობს დაზიანებული გზის აღდგენის სამუშაოები.
ამ დროისთვის, ავტოტრანსპორტის მოძრაობა დროებით გადართულია საერთაშორისო მნიშვნელობის სენაკი-ფოთი (ასაქცევი)-სარფის საავტომობილო გზაზე", - წერია უწყების განცხადებაში.
