ლოს-ანჯელესის მახლობლად ტყეში ხანძარი კვლავ მძვინვარებს. მეხანძრეები ამ დრომდე უშედეგოდ ცდილობენ ცეცხლის ლოკალიზებას.
გავრცელებული ინფორმაციით, ცეცხლის ალი 4 000 ჰექტარზეა მოდებული. სტიქიის შედეგად დაშავებულების, დაღუპულების ან საკუთრების განადგურების შესახებ ინფორმაცია ოფიციალურად ჯერ-ჯერობით არ გავრცელებულა. ევაკუაციის ზონაში მოხვედრილია ასამდე შენობა-ნაგებობა.
შეგახსენებთ, რომ ხანძარი ლოს-ანჯელესის მახლობლად 2020 წლის 12 აგვისტოს გაჩნდა. ამერიკის სატყეო სამსახურის სპეციალისტების განმარტებით, რეგიონში ხანძარის გავრცელების მთავარი მიზეზი მაღალი ტემპერატურა და ქარი გახდა.