სტიქია ლაგოდეხში - ძლიერი წვიმის შედეგად მოვარდნილმა წყალმა სოფელ პატარა გორში მდინარის ხიდი, ახლად დაგებული გზის ნაწილი, ერთწლიანი ნარგავები, საყოფაცხოვრებო ავეჯი-ტექნიკა და სურსათი დააზიანა.
ადგილობრივები "მთავარ არხს" უყვებიან, რომ ხიდი ერთი თვის წინ დამონტაჟდა, რაშიც თანხა ადგილობრივი ბიუჯეტიდან დაიხარჯა. მათივე ინფორმაციით, სანიაღვრე არხებმა წყალი ვერ გაატარა და 20-მდე ოჯახს საცხოვრებელი სახლის პირველი სართულები და სარდაფები დაეტბორა.
დაზარალებულებთან ხელისუფლების წარმომადგენლები ჯერ არ გამოჩენილან.
ავტორი: ია გულიაშვილი
