აშშ-ის თავდაცვის მდივანი, ლოიდ ოსტინი ხვალ, 13 ოქტომბერს ისრაელს ეწვევა და პრემიერმინისტრ ბენიამინ ნეთანიაჰუს შეხვდება. ისრაელის მედიის ცნობით, რომელიც ინფორმაციას ამერიკელ ოფიციალურ პირზე დაყრდნობით ავრცელებს, ოსტინის ვიზიტი თავდაცვის მაღაალჩინოსნებთან და ისრაელის ახალ საგანგებო მთავრობასთან შეხვედრებსაც მოიცავს.
შეგახსენებთ, 7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება "ჰამასმა" აიღო და მას ოპერაცია "ალ-აკსას შტორმი" უწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია "რკინის ხმლების" დაწყება გამოაცხადა.
