გერმანიის თავდაცვის მინისტრი ბორის პისტორიუსი უკრაინაში ჩავიდა. ეს პისტორიუსის მეორე ვიზიტია კიევში, მას შემდეგ, რაც თავდაცვის მინისტრის პოსტი დაიკავა.
ვიზიტის ფარგლებში, ის შეხვედრებს უკრაინის თავდაცვის მინისტრ რუსტემ უმეროვთან და პრეზიდენტ ვოლოდიმირ ზელენსკისთან გამართავს.
შეხვედრების მთავარი თემა უკრაინელი ჯარისკაცების მომზადება და კიევისთვის სამხედრო დახმარების მიწოდება იქნება.
ცნობისთვის, გუშინ, 20 ნოემბერს, კიევში ჩავიდა ამერიკის თავდაცვის მდივანი ლოიდ ოსტინიც, სადაც მან უკრაინისთვის სამხედრო დახმარების ახალი, 100 მილიონი დოლარის ღირებულების, პაკეტი გამოაცხადა.
