თამაზ გინტურის სასტიკი მკვლელობა საერთაშორისო რეზონანსს იღებს. ევროპარლამენტი ამზადებს დოკუმენტს, რომლითაც რუსულ ოკუპაციას და რუსი სამხედროების სისასტიკეს დაგმობს და მკვლელების დასჯას მოითხოვს. ეს პოლიტიკური ნაბიჯი გინტურების ოჯახს იმედს უჩენს, რომ საერთაშორისო ზეწოლით შესაძლებელი გახდება იმ ოკუპანტების დასჯა, ვინც ლომისას ტაძარში ასულებს სასტიკად გაუსწორდნენ. კირბალის მოსახლეობა კი, რომელსაც "ქართული ოცნების" ხელისუფლების იმედი არ აქვს, დანებებას არ აპირებს. ადგილობრივები გიორგობის დღესასწაულზე კვლავ წმინდა გიორგის სახელობის ლომისას ტაძარში აპირებენ ასვლას სანთლების დასანთებად.
