უკრაინის საჰაერო ძალების ინფორმაციით, გასულ ღამეს რუსულმა ჯარებმა უკრაინის მიმართულებით 14 შაჰიდის დრონი გაუშვეს - ყველა მათგანი განადგურებულია.
„უკრაინის შეიარაღებული ძალების სახმელეთო ჯარების საჰაერო თავდაცვასთან და ეროვნულ გვარდიასთან თანამშრომლობით საჰაერო ძალების მუშაობის შედეგად, განადგურდა მტრის შაჰიდ-131/136-ვე 14-ვე თვითმფრინავი" - ნათქვამია შეტყობინებაში.
უკრაინის შეიარაღებული ძალების ინფორმაციით, მტერმა ისროლა Kh-22 ფრთოსანი რაკეტაც, რომელმაც მიზანს ვერ მიაღწია და ზაპოროჟიეს რაიონში ღია ზონაში დაეცა.
„აფეთქების ტალღამ მოქალაქეების კერძო სახლები დააზიანა. წინასწარი ინფორმაციით, მსხვერპლი არ ყოფილა“, - აცხადებს უკრაინა.
