ოკუპირებული სალოცავები მომლოცველების გარეშე | რუსები მშვიდობიან მოქალაქეებს ეკლესიების მოლოცვის საშუალებას არ აძლევენ
გამოქვეყნდა:
კირბალში დღეს ქართული პოლიცია იყო მობილიზებული - სპეცოპერაციის მიზანი ადგილობრივებისთვის ლომისის ტაძრის მოლოცვაში ხელის შეშლა იყო. თუმცა კირბალელებიდან ოკუპირებულ ტერიტორიაზე მდებარე სალოცავში ასვლა არავის უცდია - თამაზ გინტურის მკვლელობის შემდეგ, "ქართული ოცნების" უმოქმედობის ფონზე, კირბალში თავს უსაფრთხოდ არ გრძნობენ და ხალხი იძულებულია, მიატოვოს ლომისას წმინდა გიორგი სახელობის სალოცავი.
მსგავსი ვითარებაა ბევრ სხვა ქართულ სოფელშიც, რომლებიც ოკუპაციის ხაზის გასწვრივ მდებარეობენ. ქართველი სამართალდამცველები არსად არ აქტიურობენ და პოლიციის მობილიზება ადგილზე მხოლოდ რუსების მორიგი თვხედური დანაშაულის, ან მითუმეტეს, მკვლელობის შემდეგ ხდება.
