უკრაინა არასდროს დაივიწყებს ხალხს, რომელთა სიცოცხლეც ჰოლოდომორს შეეწირა...შევაჩერებთ ახალ გენოციდს, რომელიც რუსეთმა მოგვიტანა | ზელენსკი
გამოქვეყნდა:
უკრაინის პრეზიდენტმა ვოლოდიმირ ზელენსკიმ და პირველმა ლედიმ, ოლენა ზელენსკამ, ჰოლოდომორის დროს დაღუპულთა ხსოვნას პატივი მიაგეს.
"უკრაინა არასდროს დაივიწყებს თავის ხალხს, რომელთა სიცოცხლეც ჰოლოდომორის გენოციდმა შეიწირა. ჩვენ არასდროს დავივიწყებთ იმას, თუ რა გაიარა უკრაინამ და აუცილებლად შევაჩერებთ იმ ახალ გენოციდს, რომელიც რუსეთმა, ტოტალიტარიზმის მემკვიდრე ქვეყანამ, მოგვიტანა," - აცხადებს ზელენსკი.
მან ჰოლოდომორის მსხვერპლთა ხსოვნის დღესთან დაკავშირებით ვიდეომიმართვაც გაავრცელა და აღნიშნა, რომ მსოფლიო უნდა გაერთიანდეს და დაგმოს წარსული დანაშაულები - მსოფლიო უნდა გაერთიანდეს და შეაჩეროს დღევანდელი დანაშაული.
უკრაინის პრეზიდენტმა მადლობა გადაუხადა ყველა სახელმწიფოს, რომელმაც ჰოლოდომორი უკრაინელი ხალხის გენოციდად აღიარა.
ასევე ნახეთ:
