თქვენ ძალიან ახლო კავშირები გაქვთ რუსულ "ფეესბესთან," აშკარად იკვეთება ეს | მაჭარაშვილი ჟურნალისტებს
გამოქვეყნდა:
"ოცნების" დანაყოფის, "ხალხის ძალის" წევრი, რუსულ სპეცსამსახურებთან თანამშრომლობაში მხილებულ ოთარ ფარცხალაძესთან დაკავშირებით დასმული შეკითხვის პასუხად, ჟურნალისტებს "ფეესბესთან" კავშირებში ადანაშაულებს. მაჭარაშვილს არ სურს საუბარი, რატომ არაა დაკავებული ამ დრომდე რუსეთის ჯაშუში ფარცხალაძე, რომელიც სწორედ ამ საქმიანობისთვის დაასანქცირა აშშ-მა.
"გასაგებია, რომ თქვენ ძალიან ახლო კავშირები გაქვთ რუსეთთან, "ფეესბესთან," ინფორმაციები გაქვთ უპირველეს ყოვლისა არა მარტო ჩემზე მეტი, არამედ მე მგონი უსაფრთხოების სამსახურზე მეტიც შეიძლება. იმიტომ, რომ "ფეესბეს" ეხლა რუსეთში რა ხდება, ბუნებრივია, რომ ჩვენზე მეტი ეცოდინება და თქვენ ჩვენზე მეტი გეცოდინებათ. იმიტომ, რომ კავშირები გაქვთ, აშკარად იკვეთება ეს. იმიტომ, რომ ისეთ ამბებს მეუბნებით დილიდან, რომ აშკარად, როგორც მინიმუმ, თუ გუშინ ღამე არა, დილით ადრე, ზარებია თქვენთან ამ ინფორმაციაზე განხორციელებული. ამიტომ, პირიქით შეიძლება ინფორმაცია მოგთხოვოთ, რა შეიძლება მოხდეს რუსეთის მოქალაქეების მიმართ. ამიტომ, ამ საკითხთან დაკავშირებით კიდევ ერთხელ, რომ ეს ინფორმაცია მე არა მაქვს. თუ თქვენ რაიმე მტკიცებულებები გაგაჩნიათ, შეგიძლიათ შესაბამის უწყებას მიმართოთ და გარწმუნებთ, რომ ამ შემთხვევაში უწყება შესაბამის რეაგირებას მიიღებს. ოღონდ თუ გაქვთ ამის შესაბამისი მტკიცებულება...ეს გაუშვი და ასე თქვი, რომ მაჭარაშვილმა ამის გარდა არაფერი არ მიპასუხაო, ასე მიაყოლე, მიაწერე," - ამბობს "ხალხის ძალის" წევრი.
შეგახსენებთ, ოთარ ფარცხალაძე დასანქცირების შემდეგ თბილისში გუშინ გამოჩნდა.
ასევე ნახეთ:
