ზუგდიდის, ჭიათურისა და ბათუმის საკრებულოებში შესაძლოა ფრაქცია სახელწოდებით "ნაციონალური მოძრაობა" საერთოდ აღარ იყოს. მას შემდეგ რაც ამ რეგიონებში ფრაქციების თავმჯდომარეებმა, მოადგილეებმა და დეპუტატებმა ენმ დატოვეს, შესაძლოა ფრაქციებს სახელწოდება შეუცვალონ:
"მეგობრებთან ერთად თუ შევთანხმდით და თუ ნაციონალურ მოძრაობაში დარჩენილი ადამიანების მოთხოვნაც იქნება, ქალაქ ბათუმში ფრაქცია ნაციონალური მოძრაობა დაამთავრებს მუშაობას - თავისუფალი კვარტალი იქნება, სახელი შეეცვლება"- ამბობს ენმ-ის ყოფილი წევრი ბათუმის საკრებულოს ფრაქციიდან, ნოდარ დუმბაძე.
მან პარტია გიორგი კირთაძესთან ერთად, 4 დეკემბერს დატოვა.
გუშინ კი ენმ-დან წავიდნენ ზუგდიდისა და ჭიათურის საკრებულოების წევრები. ზუგდიდის ფრაქცია 22 დან 14-მა დეპუტატმა დატოვა, ჭიათურაში კი ხუთმა და ამით "ნაციონალურ მოძრაობას" ჭიათურის საკრებულოში მანდატები საერთოდ აღარ აქვს.
ენმ-დან წასულები ამბობენ, რომ ოლიგარქიული რეჟიმის წინააღმდეგ ბრძოლას სხვა პლატფორმიდან გააგრძელებენ, თუმცა ჯერჯერობით უცნობია საიდან. ისინი ნიკა მელიასთან თანამშრომლობის სურვილს გამოთქვამენ, თუმცა მელიას პარტიაში მიმდინარე მოვლენებზე კომენტარი არ გაუკეთებია.
არა რუსულ კანონს! | მთავარი არხის საგანგებო ეთერი
უყურეთ ბოლო გამოშვებას
