უკვე 10 საათია, ძაღლის მიერ დაკბენილ 2 წლის ლაზარეს ურთულესი ოპერაცია უტარდება | მიტოვებული ძაღლების პრობლემა საქართველოში
გამოქვეყნდა:
ჩვენთან ერთად მოიპოვეთ თავისუფლება!
უკვე 10 საათია, ექიმები 2 წლის ლაზარეს ურთულეს ოპერაციას უტარებენ. მცირეწლოვანი ბავშვი, ძმასთან ერთად პიტბულმა დაკბინა. მოზარდს თავი აქვს დაზიანებული და თავზე კანის გადანერგვა სჭირდება. შემდეგ ყველაზე რთული, 48 საათი იწყება, როცა მცირეწლოვანს მედიკოსები დააკვირდებიან. ახლა ყველაზე მთავარია, მიიღებს თუ არა ლაზარეს ორგანიზმი გადანერგილ კანს. ექიმები არ გამორიცხავენ, რომ მას ქირურგიული ჩარევა კიდევ რამდენჯერმე დასჭირდეს.
საზარელი შემთხვევა, როდესაც აგრესიული ძაღლი ბავშვებს დაესხა თავს, საცხოვრებელი სახლის წინ მოხდა. ვის ეკუთვნის ცხოველი, უცნობია, მას არც ერთი საიდენტიფიკაციო ნიშანი არ აქვს. ძაღლი მერიის გამოძახების შემდეგ, ცენტრის წარმომადგენლებმა თავშესაფარში გადაიყვანეს. სავარაუდოდ პატრონს პიტბული ახალი მიტოვებული ჰყავს, ამას რამდენიმე ფაქტი ადასტურებს. ადამიანის ოთხფეხა მეგობარი არ არის აღრიცხვაზე და არც სპეციალური ნიშანი აქვს ყურზე.
