მთამსვლელი,რომელსაც მაშველები მყინვარწვერზე ეძებდნენ, გაყინული იპოვეს. საგანგებო სიტუაციების მართვის სამსახურის ცნობით, გარდაცვლილის ცხედარი მაშველების მიერ უკვე ამოყვანილია თოვლის მასიდან და შესაბამისი სამართლებრივი პროცედურები მიმდინარეობს.
დაკარგული მამაკაცი მყინვარწვერის ფერდობზე სასრიალოდ იყო წასული, თუმცა ჯგუფს მოშორდა, რის შემდეგაც მისი კვალი დაიკარგა. სამაშველო ოპერაცია სამი დღის განმავლობაში მიმდინარეობდა. სამძებრო სამუშაოებში ჩართულები იყვნენ როგორც მაშველები, ასევე მოხალისე მთამსვლელთა ჯგუფები.
