„მოსკოვის ტერორისტულმა რეჟიმმა უნდა გააცნობიეროს, რომ საერთაშორისო თანამეგობრობა თვალს არ დახუჭავს უკრაინაში მშვიდობიანი მოსახლეობის მკვლელობასა და სამოქალაქო ინფრასტრუქტურის განადგურებაზე“, - აცხადებს უკრაინის საგარეო საქმეთა მინისტრი დღევანდელ მასიურ თავდასხმასთან დაკავშირებით,
დმიტრო კულებას განცხადებით, უკრაინა დასავლელი მოკავშირეებისგან გადამწყვეტ ზომებს ელის. საგარეო საქმეთა მინისტრი აღნიშნავს, რომ დასავლეთს შეუძლია გადადგას 5 ნაბიჯი:
- დააჩქაროს უკრაინისთვის საჰაერო თავდაცვის დამატებითი სისტემებისა და საბრძოლო მასალის მიწოდება;
- უზრუნველყოს უკრაინა ყველა ტიპის საბრძოლო დრონებით;
- უკრაინას მიაწოდოს 300 კმ+ დისტანციის რაკეტები;
- დაამტკიცოს გაყინული რუსული აქტივების გამოყენება უკრაინის დასახმარებლად;
- რუსი დიპლომატების იზოლირება შესაბამის დედაქალაქებში და საერთაშორისო ორგანიზაციებში;
დღეს დილით, ოკუპანტებმა მასიური იერიშები მიიტანეს კიევსა და ხარკოვზე. ამ დროისათვის არსებული მონაცემებით, დაღუპულია 4 და დაშავებულია 92 ადამიანი. განადგურებულია საცხოვრებელი კორპუსები და სხვა სამოქალაქო ინფრასტრუქტურა.
