სასტიკი მოპყრობა ცხოველზე | ძაღლზე მოძალადე კაცს ბრალს ხვალ გააცნობენ - ბოლო ცნობები მარნეულიდან
გამოქვეყნდა:
დაკავებულია მამაკაცი, რომელიც საკუთარ ძაღლს სადისტურად გაუსწორდა და წამებით მოკლა. არ არის გამორიცხული, 51 წლის არიფ გოიუშოვს კიდევ ერთ მძიმე დანაშაულზე, არასრულწლოვანის მიმართ სექსუალური ძალადობის მცდელობის ფაქტზე მოუწიოს პასუხისგება, თუმცა ამ საქმესთან დაკავშირებით გამოძიება ჯერჯერობით დუმს.
სამართალდამცველებმა ბრალდებული ძაღლის წამებით მკვლელობის გამო დააკავეს და ისიც მას შემდეგ, რაც სოციალურ ქსელში საზარელი კადრების გავრცელებას საზოგადოების უკიდურესი პროტესტი მოჰყვა.
