ISSA-ის კვლევა: იმის მიუხედავად, მიიღებთ თუ არა მონაწილეობას არჩევნებში, არსებული ხელისუფლების ცვლილებას 50.8% უჭერს მხარს
გამოქვეყნდა:
საზოგადოებრივი აზრის გამოკითხვა ტელეკომპანია "მთავარის" დაკვეთით, "სოციალური კვლევისა და ანალიზის ინსტიტუტმა "(ISSA) ჩაატარა.
კითხვაზე, იმის მიუხედავად, მიიღებთ თუ არა მონაწილეობას მომავალ საპარლამენტო არჩევნებში, თქვენ მხარს უჭერთ:
- არსებული ხელისუფლების ცვლილებას - 50.8%
- არსებული ხელისუფლების შენარჩუნებას -33.0%
- არ ვიცი - 13.3%
- უარი პასუხზე -2,9%
რუსული კანონის შესახებ კითხვა კვლევაში არ არის, რადგან კვლევის მიმდინარეობისას, ის დაინიცირებული არ ყოფილა.
ცნობისთვის, საზოგადოებრივი აზრის გამოკითხვა ჩატარდა საქართველოს სრულწლოვან (18 წლის და მეტი ასაკის) მოსახლეობაში. საზოგადოებრივი აზრის გამოკითხვა, ტელეკომპანია „მთავარის“ დაკვეთით, ჩაატარა "სოციალური კვლევისა და ანალიზის ინსტიტუტმა" (ISSA). გამოკითხვა ჩატარდა პირისპირ ინტერვიუს მეთოდით, საქართველოს ყველა რეგიონში (ოკუპირებული ტერიტორიების გარდა). შემთხვევითი შერჩევის წესით გამოიკითხა 1601 რესპონდენტი. კვლევა ეფუძნება ყველა გამოკითხულის აზრს. მთლიანი მოცულობისთვის შერჩევის ცდომილება შეადგენს + - 2.4%-ს, 95%-იანი სანდოობით. იმ რესპონდენტთა რაოდენობა, ვინც უარი განაცხადა კვლევაში მონაწილეობაზე, არის 20.9%. შესაბამისად, გამოპასუხების სიხშირე არის 79.1%. საველე სამუშაოები ჩატარდა 2024 წლის 1 - 10 აპრილის შუალედში.
