"მართლაც ასე მომხდარა" | პაპუაშვილმა დაადასტურა, რომ ბაიდენის მიღებაზე კობახიძის მიწვევა გააუქმეს
გამოქვეყნდა:
შალვა პაპუაშვილმა დაადასტურა „ამერიკის ხმის“ მიერ გავრცელებული ინფორმაცია, რომ ჯო ბაიდენის მიღებაზე საქართველოს პრემიერ-მინისტრის, ირაკლი კობახიძის მიწვევა გაუქმებულია.
„როგორც ვიკითხე, მართლაც ასე მომხდარა. არასერიოზულია, რაზე უნდა ვისაუბროთ საერთოდ. თავისივე გაგზავნილი მოწვევა, მეორე დღეს უკან გაიწვიეს. ასეთი ქცევა არასერიოზულია. უპირველესად, ეს არის ამერიკის და ამერიკელი ხალხის შეურაცხყოფა, რაც ამ ქცევით ვიხილეთ ადმინისტრაციის მხრიდან." თქვა პაპუაშვილმა.
კობახიძისთვის მიწვევის გაუქმების გამო , პაპუაშვილი აშშ-ს სტუმარ-მასპინძლობას უწუნებს:
რამდენი წელია, ამერიკის ადმინისტრაცია ჩვენ სტრატეგიულ პარტნიორს გვიწოდებს და სტუმარ-მასპინძლობა მაინც ესწავლათ ქართველი ხალხისგან, მინიმუმ ეს შეეძლოთ წაეღოთ ჩვენი ხალხისგან. სამწუხაროდ, როგორც ჩანს, ესეც ვერ გავუზიარეთ სათანადოდ", - ამბობს ის.
