ევროპარლამენტმა უკრაინისთვის 35 მილიარდი ევროს სესხის გამოყოფა დაამტკიცა. გადაწყვეტილებას მხარი 518-მა დეპუტატმა დაუჭირა. წინააღმდეგი იყო 56, თავი კი 61-მა შეიკავა.
სესხი იმ რუსული აქტივებიდან მიღებული მოგებითაა უზრუნველყოფილი, რომლებიც უკრაინაში რუსეთის შეჭრის შემდეგ დასავლეთშია გაყინული.
ეს თანხა იმ 50 მილიარდ დოლარამდე სესხის ნაწილია, რომელიც "დიდი შვიდეულის" ქვეყნებმა შეათანხმეს.
