"უწყვეტი პროტესტი, დაუმორჩილებლობა და არშეგუება - ეს არის ის, რასაც ჩვენ ვაპირებთ" | ნანა მალაშხია
გამოქვეყნდა:
"უწყვეტი პროტესტი და დაუმორჩილებლობა ძალიან მნიშვნელოვანია, არ შეგუება ეს არის ის რასაც ჩვენ ვაპირებთ. "- ამის შესახებ გმირთა მოედანზე მიმდინარე პროტესტისას "კოალიცია ცვლილებისთვის" ერთ-ერთმა წევრმა ნანა მალაშხიამ განაცხადა.
"გილოცავთ გიორგობას და ვარდების რევოლუციის 21 წლისთავს. ვარდების რევოლუციის ძირითადი იდეა, თავისუფალი, ევროპული საქართველოს იდეა ცოცხალია და ჩვენ ვაპირებთ ბრძოლას ამ იდეის გაგრძელებისათვის."ქართულ ოცნებას" უკან დახევა მოუწევს, რა თქმა უნდა პროტესტი არის ძალიან მნიშვნელოვანი, მაგრამ ეს არ არის მხოლოდ ერთადერთი კომპონენტი. საგარეო მიმართულებით მუშაობა, სამართლებრივი მიმართულებით მუშაობა ძალიან მნიშვნელოვანია და რა თქმა უნდა ჩვენი ახალგაზრდების ჩართულობა. ახალგაზრდები არიან საყრდენი ამ ქვეყნის, აწმყოსი და მომავლის. ისინი არიან თაობა რომელიც ყველა დაკეტილ კარს გააღებს, მათ შორის ევროკავშირის კარსაც."- განაცხადა ნანა მალაშხიამ.
გმირთა მოედანზე მოძრაობა გადაიკეტა. ოლიგარქის რეჟიმის მიერ მოპარული არჩევნების გასაპროტესტებლად მსვლელობა თსუ-ს პირველი კორპუსიდან დაიწყო, საბოლოო ლოკაცია კი გმირთა მოედანია, სადაც აქცია ღამის 11:00 საათამდე გაგრძელდება.
