საჯარო რეესტრის ეროვნული სააგენტოდან, ევროინტეგრაციის მომხრე 100-ზე მეტი თანამშრომელი გაათავისუფლეს
გამოქვეყნდა:
არალეგიტიმური პრეზიდენტის მიერ რეპრესიულ კანონზე ხელმოწერიდან მეორე დღესვე, მხოლოდ საჯარო რეესტრიდან 100-ზე მეტი თანამშრომელი გაუშვეს. ესენი არიან ადამიანები, რომლებმაც ხელი მოაწერეს პეტიციას და გაემიჯნნენ ქართული ოცნების იმ გადაწყვეტილებას, რომლითაც ირაკლი კობახიძემ ევროინტეგრაცია შეაჩერა. რეესტრის უკვე ყოფილი თანამშრომლები ამბობენ, რომ მათი გათავისუფლების გადაწყვეტილება სწორედ პოლიტიკური ნიშნით არის მიღებული.
გათავისუფლებული პირები ამბობენ, რომ გააგრძელებენ სამართლებრივ ბრძოლას. მათივე თქმით, სამსახურიდან გაშვების მიზეზად დაუსახელეს, თითქოს თანამშრომლების საჭიროება აღარ იყო, მაშინ, როცა დაახლოებით 1 თვის წინ ახალი კადრების მიღება გამოაცხადეს.
შეგახსენებთ, საჯარო სამსახურის შესახებ კანონში შეტანილი ანტიკონსტიტუციური ცვლილებით, არალეგიტიმურმა ხელისუფლებამ გაამარტივა საჯარო მოხელეების სამსახურიდან გათავისუფლება.
იხილეთ:
- "საჯარო რეესტრის სააგენტომ ხელშეკრულება შემიწყვიტა. მიზეზი, რა თქმა უნდა, ჩემი ოპოზიციური განწყობაა, რუსული ხელისუფლების მიმართ" | გიორგი შატაკიშვილი
- "24-წამიანი სატელეფონო საუბრით შემიწყვიტეს [ხელშეკრულება], ე.წ ვადის ამოწურვის მიზეზით" | საჯარო რეესტრიდან კიდევ ერთი თანამშრომელი გაუშვეს;
- "დაშინებისა და რეპრესიების მაგალითია..." | საჯარო რეესტრის ეროვნული სააგენტოდან კიდევ ერთი თანამშრომელი გაათავისუფლეს
