ამაღლების ქუჩაზე, სუპერმარკეტ "სპარის" თანამშრომელს კორონავირუსი დაუდასტურდა. მასთან კონტაქტში მყოფები უკვე გადაიყვანეს საკარანტინე სივრცეებში.
ობიექტი იმ კორპუსის პირველ სართულზე მდებარეობს, სადაც პრემიერის ოჯახი, ეკონომიკის მინისტრი და პარტია "ლელოს" ერთ-ერთი ლიდერი, ბადრი ჯაფარიძე ცხოვრობენ.
სუპერმარკეტ "სპარის" თანამშრომლების ინფორმაციით, ინფიცირების სხვა სავარაუდო შემთხვევის შესახებ მათთვის ჯერ ცნობილი არ არის, შენობაში კი სადეზინფექციო სამუშაოები გვიან საღამოს ჩატარდება.
ცნობისთვის, დღეს, 5 ოქტომბერს, საქართველოში კორონავირუსით ინფიცირების 578 ახალი შემთხვევა დადასტურდა, გამოჯანმრთელდა 375 ადამიანი, 4 კი გარდაიცვალა.
