თბილისის ინფექციური საავადმყოფოს ინფეცქიური პათოლოგიებისა და შიდსის ცენტრის ბოქსირებული განყოფილების უფროსის, მარინა ენდელაძის თქმით, დღეს, 12 ოქტომბერს, კორონავირუსის 478 ახალი შემთხვევიდან 196 აჭარიდანაა, 178 - თბილისიდან.
მარინა ენდელაძე ამბობს, რომ კოვიდშემთხვევების რეგიონული განაწილება ასეთია:
- 196 - აჭარა
- 178 - თბილისი
- 65 - იმერეთი
- 13 - სამეგრელო ზემო სვანეთი
- 15 - შიდა ქართლი
- 6-6 - გურია და შიდა ქართლი
- 4 - მცხეთა-მთიანეთი
ამასთან, ენდელაძის თქმით, პაციენტებიდან 50-ის მდგომარეობა კრიტიკულად მძიმეა და მართვით სუნთქვაზე არიან, მათგან 8 აფხაზეთის ოკუპირებული ტერიტორიიდანაა გადმოყვანილი, 1 კი - ცხინვალიდან.
შეგახსენებთ, რომ დღეს, 12 ოქტომბერს, საქართველოში კორონავირუსით ინფიცირების 478 ახალი შემთხვევა დადასტურდა, გამოჯანმრთელდა 211 ადამიანი, 6 კი გარდაიცვალა
ბოლო მონაცემებით საქართველოში:
- კორონავირუსით ინფიცირებულია - 11 794;
- გამოჯანმრთელებულია - 6 327;
- მათ შორის გარდაცვლილია - 85;
- კარანტინის რეჟიმში რჩება - 5 971;
- სტაციონარში მეთვალყურეობის ქვეშ - 836, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
ბოლო მონაცემებით, მსოფლიოში ინფიცირებულთა საერთო რაოდენობამ 37 მილიონს გადააჭარბა, მათგან გამოჯანმრთელდა, თითქმის, 28 მილიონი ადამიანი და გარდაიცვალა 1 მილიონზე მეტი.
