რუსეთში, ოპოზიციონერ ალექსეი ნავალნის მხარდამჭერ საპროტესტო აქციებზე 3 000-ზე მეტი ადამიანი დააკავეს - ინფორმაციას BBC ავრცელებს.
ძლიერი ყინვის და სახელმწიფო ორგანოების გაფრთხილებების მიუხედავად, რუსეთის დედაქალაქის ქუჩებში ათიათასობით ადამიანი გამოვიდა და ნავალნის გათავისუფლება მოითხოვა.
Reuters-ის მონაცემებით, მხოლოდ მოსკოვში, დაახლოებით, 40 000 მივიდა აქციაზე, თუმცა რუსეთის საგარეო საქმეთა სამინისტრო აცხადებს, რომ დემონსტრანტების რაოდენობა 4 000-ს არ აჭარბებდა.
ამბები გუშინდელი აქციიდან:
- პეტერბურგში, ნავალნის მხარდამჭერ აქციაზე, პოლიციელი ქალს სასტიკად გაუსწორდა
- ნავალნის ცოლი პროტოკოლის უგულებელყოფით დააკავეს
- რუსეთში ნავალნის მხარდასაჭერად -50 გრადუს ყინვაში გამოსული მოქალაქეები დააკავეს
ცნობისთვის, ზაფხულში "ნოვიჩოკით" მოწამლული პუტინის მთავარი კრიტიკოსი, ალექსეი ნავალნი, ერთი კვირის წინ, გერმანიიდან სამშობლოში დაბრუნებისთანავე დააპატიმრეს და რამდენიმე ბრალდება წაუყენეს. ის ამჟამად წინასწარი დაკავების იზოლატორში იმყოფება.
