ჩვენთან ერთად მოიპოვეთ თავისუფლება!
ეროვნულ დემოკრატიული ინსტიტუტის (NDI) ახალი კვლევის ერთ–ერთი საკითხი მოსახლეობის ახალი პარლამენტის მიმართ მოლოდინებია.
კვლევის შედეგად გამოკითხულთა უმრავლესობა, 82% მიიჩნევს, რომ ყველა პოლიტიკურმა პარტიამ ერთმანეთთან უნდა ითანამშრომლოს, რათა მოქალაქეების ინტერესები პარლამენტში იყოს დაცული. ამას ეთანხმება, კვლევის შედეგად გამოკითხული როგორც ოპოზიციის ისე "ოცნების" მხარდამჭერების უმრავლესობა.
ასევე, კვლევის მიხედვით:
- გამოკითხული ქართული ოცნების მხარდამჭერების უმრავლესობა –76% მიიჩნევს, რომ პარლამენტი მათთვის მნიშვნელოვან საკითხებზე იმუშავებს.
ხოლო გამოკითხული ოპოზიციის მხარდამჭერების უმეტესობა –60 % საპირისპიროდ ფიქრობს, რომ ახალი პარლამენტი მათთვის მნიშვნელოვან საკითხებზე არ იმუშავებს.
ასევე, "ოცნების" მხარდამჭერთა უმრავლესობა – 72% ფიქრობს, რომ ახალი პარლამენტი უფრო ეფექტური იქნება, რასაც ოპოზიციის მხარდამჭერთა ნახევარზე მეტი –53% არ ეთანხმება.
გამოკითხულ "ოცნების" მხარდამჭერთა 65%–ის აზრით ახალი პარლამენტი იქნება უფრო ეთიკური, რასაც ოპოზიციის მხარდამჭერთა 51%, ამ შემთხვევაშიც არ ეთნახმება.
გარდა ამისა, კვლევის თანახმად:
- გამოკითხულთა 41% ეთანხმება, რომ ახალი პარლამენტი მათთვის მნიშნველოვან საკითხებზე იმუშავებს.
- 39% ფიქრობს, რომ ახალი პარლამენტი, უფრო ეფექტურად გაუწევს ზედამხედველობას მთავრობის საქმიანობას
- 36% მოელის, რომ ახალი პარლამენტის წევრები ეთიკურად მოიქცევიან
- 33% მიიჩნევს, რომ ახალი პარლამენტი უფრო აქტიურად ჩართავს სამოქალაქო საზოგადოების ორგანიზაციებს მის საქმიანობაში
- 24% მიიჩნევს, რომ ახალი პარლამენტი აქტიურად ჩართავს მოქალაქეებს პარლამენტის საქმიანობაში
ასევე იხილეთ:
როგორ შეაფასებდით პარლამენტის საქმიანობას? - NDI-ს კვლევა
- NDI: მოსახლეობის 46%-ისთვის ეროვნული საკითხებიდან ყველაზე მნიშვნელოვანი სამუშაო ადგილებია
- NDI: 38%-ისთვიის საქართველო არასწორი მიმართულებით ვითარდება, საწინააღმდეგო აზრზეა 32%
- NDI: გამოკითხულთა 45% ფიქრობს, რომ საქართველოში დემოკრატიაა, 42% ეწინააღმდეგება აზრს
- NDI: გამოკითხულთა 45%-ის კეთილდღეობა 2016 წლის შემდეგ იგივენაირია, 32%-ის - გაუარესებული
- NDI: საქართველოს EU-ში გაწევრიანებას გამოკითხულთა 80% ეთანხმება, NATO-ში გაწევრიანებას - 74%
- NDI: უმუშევრობა, ფასების ზრდა, სიღარიბე – საქართველოს ეკონომიკის 3 დიდი პრობლემა
- 39% თვლის, რომ ყველაზე ცუდი ჯერ კიდევ წინ არის - პანდემია და საზოგადოება NDI-ს კვლევაში
NDI-ს კვლევა 2020 წლის 17-24 დეკემბრის პერიოდში ჩატარდა. სატელეფონო ინტერვიუს გზით ქვეყნის მასშტაბით 2 053 სრულწლოვანი ადამიანი გამოიკითხა (ოკუპირებული ტერიტორიების გამოკლებით). რესპონდენტები მარტივი შემთხვევითი შერჩევის გზით — შემთხვევით ნომერზე დარეკვის მეთოდით შეირჩნენ. ინტერვიუები ჩატარდა ქართულ, აზერბაიჯანულ, სომხურ და რუსულ ენებზე.
კვლევის საშუალო ცდომილების ზღვარი +/- 1,1 პროცენტია.
