ჩვენ მოთხოვნებს ეკონომიკის მინისტრის გადადგომა დაემატა - რიონის ხეობის მცველები

"ვითხოვთ გადადგეს ეკონომიკის მინისტრი ნათია თურნავა", - "რიონის ხეობის მცველების" განცხადებით, მას შემდეგ რაც ეკონომიკის მინისტრმა ნათია თურნავამ, ნამოხვანჰესის მოწინააღმდეგეებთან გამართული შეხვედრა უკომენტაროდ დატოვა, მათ მოთხოვნებს თურნავას გადადგომაც დაემატა.

როგორც, "რიონის ხეობის მცველი", ვარლამ გოლეთიანი, "მთავართან" საუბრისას ამბობს, ნათია თურნავამ შეურაცხყოფა მიაყენა ათასობით ადამიანს, როდესაც შეხვედრიდან "გაიპარა".

"ჩვენს მოთხოვნებს დაემატა ის, რომ უკვე ვითხოვთ გადადგეს ეკონომიკის მინისტრი, ნათია თურნავა, რომელმაც შეურაცხყოფა მიაყენა ათასობით ადამიანს. ჩვენ ვიყავით შეხვედრაზე, რომელიც ჩანიშნული იყო, დღის წესრიგი გაწერილი იყო და თავად დაარღვიეს ეს დღის წესრიგი, როდესაც გაიპარნენ ამ შეხვედრიდან. ამ შეხვედრაზე უნდა გაცემულიყო ყველა შეკითხვაზე პასუხი, ეს იყო ჩვენი მიზანი და ამიტომ მივედით ამ შეხვედრაზე. მათი მხრიდან მოხდა შეხვედრის ჩაშლა. შესაბამისად, ამ ქმედებით უამრავ ადამიანს მოგვაყენა შეურაცხყოფა და ვითხოვთ, რომ გადადგეს", - თქვა ვარლამ გოლეთიანმა.

ცნობისთვის, დღეს, 13:00 საათზე, პროტესტის 141-ე დღეს, ქუთაისში ნამოხვანჰესის წინააღმდეგ საპროტესტო აქცია გაიმართება. 

ამავე თემაზე:

• ადგილობრივი მოსახლეობის შეურაცხყოფაა - რიონის ხეობის მცველები მინისტრებთან შეხვედრაზე;
• ქართველი დირექტორი, განვითარების ფონდი, დამოუკიდებელი საბჭო - ნამახვანჰესის შეთანხმება;
• ნამახვანჰესის კაშხლის და წყალსაცავის მშენებლობა დროებით ჩერდება - თურნავა.
• თურნავამ და დავითაშვილმა "ნამახვანჰესზე" შეხვედრა კითხვებზე პასუხის გარეშე დატოვეს.

ფოტო: ნეტგაზეთი.