ერთი ადამიანის სიცოცხლე ემსხვერპლა ავტოსაგზაო შემთხვევას ლაგოდეხის მუნიციპალიტეტში. ავარია გურჯაანი-აფენის გზაზე, სოფელ გუჯარეთთან მოხდა. ერთმანეთს ტრაილერი და მსუბუქი ავტომობილი შეეჯახა.
ერთი მამაკაცი ადგილზე გარდაიცვალა. დაშავდა სამი მგზავრი. სხვადასხვა სახის ტრამვებით, 112-ის ბრიგადებმა დაზარალებულები ლაგოდეხის "არქიმედეს" კლინიკაში გადაიყვანეს. ერთ-ერთი დაშავებული საავადმყოფოში გარდაიცვალა.
შემთხვევის ადგილზე სამაშველო ჯგუფები და საპატრულო პოლიციაა მობილიზებული.
ავტორი: ია გულიაშვილი