საქართველოში უკვე 161 დღეა, ე.წ. კომენდანტის საათი მოქმედებს. მთავრობის წარმომადგენლები და ინფექციონისტების ნაწილი ამბობს, რომ ქვეყანაში, გადაადგილების შეზღუდვა კორონავირუსისგან თავდაცვის მიზნით დაწესდა, ის ძალაში თითქმის 6 თვის წინ, 9 ნოემბერს შევიდა.
საკოორდინაციო საბჭომ დღეს კიდევ ერთხელ იმსჯელა და გადაწყვიტა, რომ კომენდანტის საათი ისევ ძალაში რჩება. როდის მოიხსნება კომენდანტის საათი, არავინ იცის - შეზღუდვის გაუქმების მოთხოვნით, მოქალაქეებს დღემდე არაერთი აქცია აქვთ ჩატარებული, თუმცა ამაოდ.
საქართველოს მასშტაბით გადაადგილება 21:00 საათიდან 05:00 საათამდეა აკრძალული.