17 მაისი ჰომოფობიასთან და ტრანსფობიასთან ბრძოლის საერთაშორისო დღეა. დღევანდელი დღე "თბილისი პრაიდის" ღონისძიებების გარეშე ჩაივლის.
სექსუალური უმცირესობების წარმომადგენლები სხვადასხვა ქვეყანაში 17 მაისს ღონისძიებებს მართავენ. ეს დღე მსოფლიო მასშტაბით ლგბტქ თემის უფლებების შესახებ ცნობიერების ამაღლებას ემსახურება და გმობს ძალადობას.
"თბილისი პრაიდისგან" განსხვავებით, 17 მაისს ღონისძიებები დაგეგმა საპატრიარქომ - ოჯახის სიწმინდის დღეს, საპატრიარქო თბილისის ქუჩებს აკურთხებს.