მე-13 გარდაცვლილი - ამირან გამყრელიძის განცხადებით, კოვიდინფიცირებული 76 წლის მამაკაცი გარდაიცვალა.
მამაკაცი ბოლნისის კლასტერს მიეკუთვნება. ის სოფელ მუშევანიდან იყო. როგორც გამყრელიძემ განაცხადა, ინფიცირებული მკურნალობას რესპუბლიკურ საავადმყოფოში გადაიოდა.
მისი მდგომარეობა ბოლო ოთხ დღეში განსაკუთრებულად დამძიმდა. მისივე თქმით, პაციენტს სხვადასხვა სახის თანმხლები, ქრონიკული დაავადებები ჰქონდა.
ამ დროისთვის ქვეყანაში ახალი კორონავირუსით ინფიცირების 796 შემთხვევაა დადასტურებული. აქედან გამოჯანმრთელდა 634. გარდაცვლილია 13 ინფიცირებული.
