"დაიწყოს გამოძიება თბილისის მერის წინააღმდეგ" - მოძრაობა "შეცვალე" პროკურატურას მიმართავს
გამოქვეყნდა:
თბილისის მერის კახი კალაძის წინააღმდეგ გამოძიების დაწყების მოთხოვნით მოძრაობა "შეცვალე" დღეს პროკურატურას ოფიციალურად მიმართავს. მოძრაობის წევრები საგამოძიებო უწყებაში შესაბამის განაცხადს შეიტანენ.
სამოქალაქო აქტივისტების მტკიცებით, თბილისის მერი სამი დღის წინ ვარკეთილში აქტივისტებს ფიზიკურად გაუსწორდა და ერთ-ერთ მათგანს მაისური შეამოახია.
საგამოძიებო უწყებაში განაცხადის შეტანის შემდეგ, აქტივისტები თბილისის მერიასთან გადაინაცვლებენ და იქ აქცია პერფორმანსს გამართავენ.
იმ დღესვე შევიტანე სარჩელი განყოფილებაში, მაგრამ როგორც ჩანს, პოლიციას ან ერიდება, ან ეშინია. გასაგებია, უზურპატორის პირობებში ამ ქვეყანაში პროკურატურაში გადაგზავნა ძალიან ჭიანურდება და მე მაგის დრო არ მაქვს, რომ ველოდო და მინდა პირადად მივიტანო. ვაპირებ იმ დაანონსებულ აქციას, რასაც ჰქვია "საჩუქარი ბატონი მერისთვის" მერიასთან, რომ გადავცე მაისური მისი პრინტით ბატონ პრეზიდენტთან ერთად,- ამბობს სამოქალქო აქტივისტი, კახა კვეკვესკირი.
