რუსეთს სანქციებს კორეა და სინგაპურიც დაუწესებენ - ამის შესახებ ინფორმაციას BBC-ის რუსული ბიურო ავრცელებს.
გამოცემის ცნობით, ორივე ქვეყანა აკრძალავს სამხედრო და ორმაგი დანიშნულების პროდუქციის ექსპორტს, კორეა ასევე მხარს დაუჭერს რუსული ბანკების SWIFT-დან გათიშვას.
გავრცელებული ინფორმაციით, სინგაპური დააწესებს შეზღუდვებს რუსეთში ნებისმიერი პროდუქტის ექსპორტზე, რომელიც შეიძლება გამოყენებულ იქნას უკრაინელების წინააღმდეგ.
Reuters-ის ცნობით, სამხრეთ კორეის გადაწყვეტილება, რომ დასავლეთის ქვეყნებს შეუერთდეს და რუსეთის წინააღმდეგ სანქციები დააწესოს, დღეს საგარეო საქმეთა მინისტრმა გამოაცხადა.
