ხარკოვში რუსი ოკუპანტების მოიერიშე თვითმფრინავმა ბომბი ჩამოაგდო, რომელიც ქარხანას დაეცა. ინფორმაცია უკრაინულ ტელეგრამ არხებზე ვრცელდება.
ადგილობრივების ინფორმაციით, თავდასხმას მსხვერპლი მოჰყვა.
ხარკოვი დღეს მტრის სამიზნე არაერთხელ გახდა. დილით, დაბომბვის შედეგად, განადგურებულია ქალაქის ცენტრი, რასაც ქვეყნის პრეზიდენტმა ვოლოდიმირ ზელენსკიმ ტერორიზმი, რუსეთს კი ტერორისტული სახელმწიფო უწოდა. აფეთქების დროს, დაშავდა 20-ზე მეტი ადამიანი.
