ევროკავშირმა ბელარუსის წინააღმდეგ სანქციებს მხარი დაუჭირა. გადაწყვეტილება უკრაინაში, რუსეთის შეჭრაში დახმარების გამო მიიღეს.
Reuters-ის ინფორმაციით, EU-ს დიპლომატებმა დაამტკიცეს ახალი სანქციები ბელარუსის იმ მოქალაქეების წინააღმდეგ, რომლებმაც გარკვეული ფორმით მონაწილება მიიღეს უკრაინაზე თავდასხმაში.
სანქციები ეხება ეკონომიკურ სფეროსაც. კერძოდ, ხე-ტყითა და ფოლადით ვაჭრობას.
შეგახსენებთ, ევროკავშირმა ბელარუსს სანქციები 2020 წელს გამართული საპრეზიდენტო არჩევნების შემდეგაც დაუწესა.
