უკრაინის პრეზიდენტის ოფისი დილის 8 საათის მდგომარეობით, ქვეყანაში არსებული ვითარების შესახებ ინფორმაციას ავრცელებს.
ვითარება უკრაინის 12 ოლქში ასეთია:
ჟიტომირი: ღამით ორჯერ მოხდა საჰაერო თავდასხმა. კოროსტენში საჰაერო დარტყმის შედეგად 10 საცხოვრებელი კორპუსი განადგურდა (1 ადამიანი დაიღუპა, 5 დაშავდა, მათ შორის 1 ბავშვი).
ოვრუჩი: დაინგრა 15 საცხოვრებელი სახლი. დაღუპულები და დაჭრილები არ არიან.
ხმელნიცკი: თავდასხმები იყო სტაროკონსტანტინოვის აეროდრომზე (2 დაჭრილი)
ჩერნიგოვი: ღამით - ინტენსიური საჰაერო თავდასხმები იყო. იბრძვიან ქალაქის სიახლოვეს.
პოლტავა: საჰაერო თავდასხმები იყო ლუბნაში, მირგოროდსა და პოლტავაში.
ხერსონი: ვითარება შედარებით მშვიდია, მობილური კომუნიკაციები გამორთულია.
ლუგანსკი: ღამემ მეტ-ნაკლებად მშვიდად ჩაიარა. გუშინ, ნაშუადღევს, ძლიერი დაბომბვა მოხდა სევეროდონეცკის მიმდებარე სოფლებში. ეს სოფლები ახლა ქალაქიდან არის მოწყვეტილი, მოხდა ჰუმანიტარული კატასტროფა.
დონეცკი: მარიუპოლი ალყაშია მოქცეული. ვოლნოვახაც, მაგრამ გუშინ ვოლნოვახადან და ზოგადად რეგიონიდან 400-მდე ადამიანის გაიყვანეს. ევაკუაციის მცდელობები დღესაც გაგრძელდება.
ნიკოლაევი: საღამოს მოხდა "ტორნადოებით" დაბომბვა. არიან გარდაცვლილები. მთლიანობაში სიტუაცია კონტროლს ექვემდებარება.
დნეპროპეტროვსკი: დნეპრში მოხდა ერთი საჰაერო თავდასხმა ღამით.
ხარკოვი: ღამით რეგიონულ ცენტრში ისევ აფეთქებები იყო: ალექსეევკას, ახალი სახლების, სალტოვკას რაიონებში, 23 აგვისტოსა და ხარკოვის ცენტრში.
კიევი: ბრძოლა მიმდინარეობდა ირპენში, გოსტომელში, მაკაროვში. მტრის მოძრაობა შეინიშნებოდა ბუჩას გასწვრივ, ნემიშაევსკაიას თემში. ყველაზე ცხელ წერტილად რჩება ჟიტომირის გზატკეცილის ტერიტორია.
ადგილობრივი ხელისუფლების ცნობით, დანარჩენ რაიონებში მშვიდი ვითარებაა.
