ბათუმის იუსტიციის სახლში რუსეთის მოქალაქეებს ფულის სანაცვლოდ, საქართველოში დარეგისტრირებაში ეხმარებიან [ექსპერიმენტი]
გამოქვეყნდა:
საქართველოში რუსეთის მოქალაქეების მხარდაჭერა და შესაძლოა მათ უკანონო საქმიანობაში დახმარება გრძელდება. არასამთავრობო ორგანიზაცია "ალტერნატივას” წევრებმა ბათუმის იუსტიციის სახლში რამდენიმე პირი დააფიქსირეს, რომლებიც რუსეთის მოქალაქეებს თანხის სანაცვლოდ იურიდიულ მისამართებს აძლევენ და საქართველოში რეგისტრაციაში ეხმარებიან.
ამით ოკუპანტი ქვეყნის წარმომადგენლებს საშუალება ეძლევათ ისარგებლონ სხვადასხვა სახის ოპერაციებით, მათ შორის საბანკო ბარათებით, დაარეგისტრირონ კომპანიები და ა.შ. ბათუმის იუსტიციის სახლში ეს პროცესი არასამთავრობო ორგანიზაციის წარმომადგენელმა გააპროტესტა, თუმცა ხათუნა ბერიძეს დაცვამ შენობა მალევე დაატოვებინა.
