"მიმდინარეობს მოლაპარაკება, რომ დავით ხიდაშელი გახდეს VTB ბანკის მფლობელი" | მშვენიერაძე
გამოქვეყნდა:
"დღეს მიმდინარეობს მოლაპარაკება, რომ ბატონი ხიდაშელი გახდეს VTB ბანკის მფლობელი", - ამის შესახებ გიორიგ მშვენიერაძე "მთავარი არხის" ეთერში, გადაცემაში "ღამის მთავარი" საუბრობს.
ჩემი ინფორმაციით, რომელი ინფორმაციაც, მათ შორის, ეროვნული ბანკის თანამშრომლებისგანაც მსმენია, რომელზეც წუხან, დღეს მიმდინარეობს მოლაპარაკება იმაზე, რომ ბატონი ხიდაშელი გახდეს VTB ბანკის მფლობელი, რომლის საცალო პაკეტიც ვიცით რომ სხვა ბანკმა იყიდა, მაგრამ ბიზნეს-პაკეტი რაც არის, იყოს მის ხელში. დარწმუნებული ვარ, ესეც ერთგვარი გზა იქნება მომავალში რუსული კაპიტალის ბიზნესში გადინების.
ღრმად ვარ დარწმუნებული, რომ ბატონი ხიდაშელის კაპიტალი არ არის მარტო მისი კაპიტალი. ეს კაპიტალი, სინამდვილეში, რუსული კაპიტალია. ეს ჩემი აზრი და შეხედულებაა, რომელიც გარკვეულ მტკიცებულებებს ეფუძნება და ის არის გამტარი, რადგან ის არის საქართველოს მოქალაქე, არ არის სანქცირებული... - ამბობს მშვენიერაძე.
