ჩვენთან ერთად მოიპოვეთ თავისუფლება!
საქართველო კვლავ იზოლაციაში მოხვდა - მსოფლიო დიდი შვიდეულის შეხვედრაზე მიწვეულია ყველა პარტნიორი - საქართველოს გარდა. ეს არ არის პირველი შემთხვევა, როდესაც დასავლელი პარტნიორების ქმედებები კითხვის ნიშნებს აჩენს საქართველოს ხელისუფლების პროდასავლური პოლიტიკისადმი.
სულ ცოტა ხნის წინ მთავარმა პარტნიორებმა "ქართული ოცნების" ხელისუფლება კიდევ ერთხელ დატოვეს თამაშგარე მდგომარეობაში, როდესაც ნატოსა და პარტნიორი ქვეყნების თავდაცვის მინისტრების შეხვედრაზე საქართველო დემონსტრაციულად არ მიიწვიეს. ყველა მცდელობა "ქართული ოცნებისგან" მიგვეღო განმარტება ამ სკანდალურ ფაქტზე, უშედეგო აღმოჩნდა.
