ამერიკელი სენატორი ჯიმ რიში საქართველოში მიმდინარე პოლიტიკურ მოვლენებს "ტვიტერზე" ეხმაურება. მისი განცხადებით, საკონსტიტუციო ცვლილებები ხელისუფლების მიმართ ნდობას გაზრდის და დემოკრატიულ პროცესებს გააღრმავებს.
მიხარია, რომ საქართველოს პარლამენტმა 8 მარტის შეთანხმებით დაკისრებული საკონსტიტუციო ცვლილებები მიიღო. ეს გაზრდის საქართველოს მოქალაქეების მთავრობისადმი ნდობას და წაახალისებს დემოკრატიულ პროცესებში მონაწილეობას. ველოდები შეთანხმების ბოლომდე შესრულებას და საქართველოში დემოკრატიის გაღრმავებას, - წერს რიში.
