"ერთი სიტყვა თქვა, ვიხრჩობიო... ძალით გაგუდეს, ზედმეტი დოზა მისცეს" | კლინიკაში გარდაცვლილი ბავშვის დედა
გამოქვეყნდა:
თბილისში, მანაგაძის კლინიკაში 7 წლის ბავშვის გარდაცვალებაში ოჯახი ექიმებს ადანაშაულებს. ბავშვის დედა ბაია ინჯგია ამბობს, რომ ბავშვს ნარკოზის ზედმეტი დოზა გაუკეთეს.
მე ბავშვმა მითხრა, არ დამტოვოო და ხელი მომკიდა... ვუთხარი, ნარკოზის გაკეთების დროს შემიყვანეთ-მეთქი. მერე ნარკოზისტმა გაუკეთა ნარკოზი, ვენაში შეუყვანა. ბავშვმა ხელი ასე დაიდო და ვიხრჩობიო მითხრა. ვიხრჩობიო. ერთი სიტყვა თქვა, ვიხრჩობიო და თვალები გადააყირავა... ნარკოზისტმა თქვა, ეს იცისო ნარკოზმაო, თქვენ უნდა გახვიდეთო, მე მივხედავ ყველაფერსო, ხოდა გამომიშვეს აქეთ. ძალით მომიკლეს ჩემი შვილი. დამიხრჩვეს, არაფერი პრობლემა არ ჰქონდა, ძალით გაგუდეს, ზედმეტი დოზა მისცეს, - ამბობს გარდაცვლილი ბავშვის დედა ბაია ინჯგია.
