მესტიის მუნიციპალიტეტში, მთა ბანგურიანის უკან ტყის მასივში ხანძარია. ცეცხლი წიწვოვან ნაძვნარში მიუვალ ადგილას არის გაჩენილი, ამიტომ ადგილზე მაშველები ვერ მუშაობენ და სალიკვიდაციო სამუშაოებში ავიაცია მონაწილეობს. სამუშაოებს ართულებს ისიც, რომ ტერიტორიაზე სადაც ხანძარია, მდინარე არ არის, ამიტომ მაშველებმა ხანძრის ჩასაქრობად წყალი რამდენჯერმე ლატალის ხეობის ყველაზე ფართო არხიდან აიღეს. ტყის მასივში ძლიერი დაკვამლიანებაცაა. ხანძრის გამომწვევი მიზეზი უცნობია.
